Оқиға

Петропавлда тепловоз бен автокөлік соқтығысты – фото

© Sputnik / Илья Питалев / Медиабанкке өтуТепловоз, архивтегі сурет
Тепловоз, архивтегі сурет - Sputnik Қазақстан, 1920, 26.03.2021
Жазылу
Машинист тежегішті іске қосқанымен, рельс үстінде көлденең тұрып қалған жеңіл көлікті бүйірінен соғып, бірнеше метрге сырғытқан

НҰР-СҰЛТАН, 26 наурыз – Sputnik. Петропавлда теміржол өткелінде тепловоз бен автокөлік соқтығысты, деп хабарлайды облыстық полиция департаментінің баспасөз қызметі.

"ТОҚТА" белгісін ескермеген ВАЗ 2110 көлігінің 41 жастағы жүргізушісі реттелетін теміржол өткелінде №1216 тепловозымен соқтығысты. Апаттың алдын алуға тырысқан тепловоз машинисі шұғыл тежеуді іске қосқанымен, әрекет нәтижесіз болған. 

Посмотреть эту публикацию в Instagram

Публикация от ПЕТРОПАВЛОВСК ❤ КАЗАХСТАН 👍 (@skopetro)

"Оқиға салдарынан ВАЗ 2110 көлігінің жүргізушісі жедел жәрдем көлігімен қаладағы медициналық мекемелердің біріне жеткізілді. Алғашқы медициналық көмек көрсетілгеннен кейін ол үйіне жіберілді", – делінген хабарламада.

Оқи отырыңыз: Жезқазғанда екі пойыз бетпе-бет соқтығысты: апаттың видеосы желіде тарады

Айта кетейік, осы жағдайға байланысты кінәлілер Әкімшілік кодекстің 610-бабының 1-бөлігі бойынша (көлік құралын жүргізушілердің жол қозғалысы ережесін бұзу арқылы адам денсаулығы мен көлікке немесе өзге де мүліктерге зиян келтіру) әкімшілік жауапкершілікке тартылады. Сондай-ақ, Оңтүстік-Орал теміржолына келтірілген материалдық шығын көлемі де анықталып, тиісті шара қолданылады.

Жаңалықтар
0