НҰР-СҰЛТАН, 13 наурыз – Sputnik. Алматы әкімі Бақытжан Сағынтаев АН-26 ұшағы құлаған жерге барды, деп хабарлайды Sputnik Қазақстан.
Қала әкімі Twitter-аккаунтында жағдайды бақылауда ұстап отырғанын жазды.
"АН-26 әскери ұшағы құлаған жерге бардым. Тиісті қызмет өкілдеріне болған оқиғаның салдарын жоюды тапсырдым. Қаза болғандардың туыстары мен жақындарына көңіл айтамын. Зардап шеккендерге барлық қажетті медициналық көмек көрсетілуде", - деп атап өтті Сағынтаев.
Посмотреть эту публикацию в Instagram
Еске сала кетейік, 13 наурызда Нұр-Сұлтан – Алматы бағытында келе жатқан АН-26 әскери ұшағы сағат 17.22-де радардан жоғалып, қала әуежайына апатты жағдайда қонды. Төрт адам қаза тауып, екеуі түрлі жарақаттармен ауруханаға жеткізілді.
Алматы түбіндегі ұшақ апатынан 4 адам қаза тапты – ТЖМ
Алматы түбінде әуе апатынан қаза болған әскери қызметкерлердің туыстарына Қазақстан президенті Қасым-Жомарт Тоқаев көңіл айтты.
