22:34 20 Сәуір 2021
Тікелей эфир
  • USD430.69
  • EUR518.42
  • RUB5.66
Оқиға
Қысқа сілтеме алу
14348 0 0

Достық ауылында мектепке дейінгі даярлық сыныбы оқушыларының партасына сылақтың бөліктері құлап кеткен

НҰР-СҰЛТАН, 3 қазан – Sputnik. Батыс Қазақстан облысына қарасты Бәйтерек ауданының Достық елді мекеніндегі орта мектеп оқушыларының ата-аналары балаларының өмірі мен денсаулығына алаңдап отыр. Себебі осыдан қырық жылдай бұрын салынған мектеп апатты жағдайда тұр.

Төтенше жағдай білім беру мекемесінде қыркүйектің басында болған, деп хабарлады "Мой город" порталы.  

Оқушылардың бірінің анасы Светлана Головчиктің айтуынша, 9 қыркүйекте мектепке дейінгі даярлық сыныбында отырған балаларға төбеден сылақ пен цементтің бөліктері құлаған.

"Барлық жерге: парталарға, еденге түсіпті, бүкіл сыныпты шаң басқан, мен келгенде балалар болмады. Олар мені тыныштандыра бастады, баламды әкелуін талап еттім. Ұлым еңкейіп отырған екен, сылақтың бөліктері тимепті. Ол дірілдеп, қайта-қайта төбеге қарай берді", - дейді әйел.

Әйел балалардың өмірі мен денсаулығына алаңдап, келесі күні директорға кірген. Ол оған мектептің тозығы жеткенін, оқушыларға да, мұғалімдерге де үлкен қауіп төндіріп жатқанын жеткізген.  

Ауыл мектебінің директоры Светлана Голубева бұл мәселе биліктің бақылауында екенін және жақын арада ауылда жаңа мектеп пайда болатынын хабарлаған.

Маңғыстауда оқушыларды үйіне іздеп келген мұғалім төрт адамның мәйітін тауып алды

"Мектеп ғимараты ескі, 1982 жылы салынған. Қазіргі уақытта жаңа ғимараттың жобалық-сметалық құжаттары дайындалып жатыр. Ол келесі жылы салына бастаса керек", - деп атап өтті ол.

Достық ауылдық округінің әкімі Әбубәкір Төлеуов жаңа мектеп салынатынын растады.

"Құрылысқа бес гектар жер телімі бөлінді. Келесі жылы 900 орындық мектептің құрылысын бастау жоспарланып отыр", - деп нақтылады ол.

Тақырып бойынша

Мектеп бағдарламасына өзгеріс енгізу мәселесі көтерілді – министрлік жауабы
Бастауыш сынып оқушыларының 60%-і мектеп партасына отырды
Көпбалалы ана жаңа оқу жылы туралы: бес балам бір телефон қолданады
Қашықтан оқыту қашан аяқталады – Аймағамбетов эксклюзивті сұқбат берді
Қыркүйектің басынан бері 104 оқушы коронавирус жұқтырды – Цой
Кілт сөздер:
Батыс Қазақстан, мектеп
Загрузка...

Басты тақырып