Оқиға

Алматыда 250 адам жұмыла іздеген бала табылды

© Photo : Департамент полиции Алматы Полицейские и волонтеры подключились к поискам пропавшего ребенка
Полицейские и волонтеры подключились к поискам пропавшего ребенка - Sputnik Қазақстан
Жазылу
Жоғалған баланы полицейлер мен Ұлттық ұлан жауынгерлері және еріктілер, тіпті кинологтар да іздестірген болатын

АЛМАТЫ, 2 қыркүйек – Sputnik. Алматыда бірінші қыркүйекте жоғалып кеткен 9 жасар Месут Мырзақұлов аман-есен табылды. Оның жоғалып кетуінің себебі анықталып жатыр, деп хабарлайды Sputnik Қазақстан.

"Жақсы жаңалық!!! Бала табылды, аман-есен. Қазір анасына тапсырамыз" - деді Алматы полиция департаментінің ресми өкілі Салтанат Әзірбек.

Бала 1 қыркүйекте жоғалды

9 жасар Месут Мырзақұлов бірінші қыркүйек күні сағат 13.00 шамасында үйінен шығып кеткен. 

Жедел-іздестіру іс-шаралары нәтижесінде бала үйден шыққан соң әжесі жұмыс істейтін №33 мектепке қарай бет алғаны анықталды. Бейнебақылау камераларына оның Қалдаяқов көшесінің оң жағымен кетіп бара жатқаны түскен. Ал олардың үйі тауға жақын жердегі Кеңсай зиратының маңындағы жеке секторда орналасқан.

© Photo : Пресс-служба департамента полиции Алматы Месут Мырзақұлов үйіне оралды
Алматыда 250 адам жұмыла іздеген бала табылды - Sputnik Қазақстан
Месут Мырзақұлов үйіне оралды

Месутты іздеуге кинологтар мен Ұлттық ұланның 100 жауынгері, жедел әрекет ететін арнайы жасақтың 20 қызметкері, ювеналды полицияның 50 инспекторы және аудандағы учаскелік полиция инспекторлары, қаланың криминалдық полициясының 40 жедел уәкілі, 20 ерікті мен бала оқитын мектептің бес педагогы жұмылдырылды.

Сонымен қатар мобильді топ қараусыз қалған ғимараттарды, таудағы шығуға қиын жерлерді де тексерді.

Полиция полковнигі Еркін Іңкәров тұрғындар БАҚ пен әлеуметтік желі арқылы баланы іздеу жұмыстарына атсалысқанын айтты. Азаматтардан түскен қоңырау мен хабарламалар өңделіп, тексерілді.

 

 

Жаңалықтар
0