Оқиға

Алматы маңындағы ұшақ апаты: қаза болғандар саны тоғызға жетті

© Sputnik / СтрингерФото с места крушения самолета "Бек Эйр" близ Алматы
Фото с места крушения самолета Бек Эйр близ Алматы - Sputnik Қазақстан
Жазылу
Қазір оқиғаның мән-жайы анықталып жатыр. Бұған дейін құрбандар саны жетеу деген ақпарат тараған болатын

АЛМАТЫ, 27 желтоқсан – Sputnik. Төтенше жағдайлар комитетінің хабарлауынша, алдын ала мәлімет бойынша тоғыз адам қаза тапты. Зардап шеккендер саны да тоғыз, олардың алтауы – балалар.

Бүгін таңертең Алматыда жолаушылар ұшағы әуеге көтерілгеннен кейін құлаған. Әуе кемесі ұша алмай қалып, бетон қоршауды қағып өткен. Одан кейін Қызылту ауылындағы екі қабатты ғимаратқа соғылған.

Апаттың мән-жайы

Кейін Алматы әуежайы болған оқиға жайлы алғашқы мәлеміттер берді.

"Бүгін Алматы-Нұр-Сұлтан рейсімен жолға шыққан "Бэк Эйр" әуе компаниясының борты жоспар бойынша сағат 7:05-те ұшып, радардан жоғалып кеткен. Бортта 95 жолаушы мен 5 экипаж мүшесі бар", - делінген Алматы әуежайы мәліметінде.

Тағы оқыңыз: Алматыда "Бек Эйр" жолаушылар ұшағы құлады - видео

Жедел жәрдем ауруханасы баспасөз қызметінің мәліметінше, медициналық мекемеге бір адам жеткізілген. Бұл ақпаратты аурухана қызметкерлері растады. Олар толық деректі кейін беруге уәде берді.

Қазақстан премьер-министрі Асқар Маминнің тапсырмасымен арнайы үкіметтік комиссия құрылды. Комиссия құрамында премьер-министр орынбасары, индустрия және инфрақұрылымдық даму министрі Бейбіт Атамқұлов, басқа да мемлекеттік орган өкілдері бар. Комиссия мүшелері оқиға орнына аттанғалы жатыр. Оқиғаның себебі мен толық мән-жайы алдағы уақытта белгілі болмақ.

Зардап шеккендердің біразын Алматы әуежайы терминалы кіреберісінен алып кетіп жатыр.

Ұшақ құлаған кезде өртенбеген. Қазір құтқару жұмыстары жүргізілуде.
© Photo : КЧС МВД РКАпат болған жер
Алматы маңындағы ұшақ апаты: қаза болғандар саны тоғызға жетті  - Sputnik Қазақстан
Апат болған жер

Бүгінде төтенше жағдай фактісі бойынша шұғыл желі іске қосылды.

Шұғыл желі: 8 (7172) 53-32-84,

Алматы облыстық ТЖД: 8 (7282) 22-02-13, 22-02-18,

Нұр-Сұлтан қалалық ТЖД: 8 (7172) 24-52-12, 24- 51-71, 24- 51- 47.

Жаңалықтар
0