Оқиға

Семейдегі жантүршігерлік өрт: қаза тапқан балалардың ата-анасы қайда болған?

© Sputnik / Владислав ВодневЖедел жәрдем
Жедел жәрдем - Sputnik Қазақстан
Жазылу
Отбасыға осы уақытқа дейін әлеуметтік көмек көрсетіліп келген, ал үйдің кенжесін Балалар үйіне жібермек болыпты

НҰР-СҰЛТАН, 2 сәуір — Sputnik. Шығыс Қазақстан облысында Семей қаласына жақын жердегі Суықбұлақ ауылында жантүршігерлік өрттен екі бала қаза тапты. Оқиғаның мән-жайы тергеліп жатыр.

Иллюстративті фото - Sputnik Қазақстан
Оқиға
Ата-анасы үйде болмаған: Семей түбіндегі ауылда екі баланың мәйіті табылды

Бұдан бұрын хабарланғандай, иіс тиіп уланған балалардың денесін өрт сөндірушілер жуынатын бөлмеден тауыпты. Қаза тапқан ер балалардың бірі алты жаста, екіншісі төрт жаста болған.

"Қазір өрттің бастапқы себептері қарастырылып жатыр: отты пайдалануда қауіпсіздік ережесін сақтамау, балалардың тентектігі немесе әдейі өрт қою", - деп хабарлады төтенше жағдайлар басқармасының басшысы Қанат Әбділов.

Тағы оқыңыз: Нұр-Сұлтандағы апалы-сіңлі бес қыздың өмірін жалмаған өрт - оқиға орнынан видео

Семей әкімі Ермак Сәлімов балалардың қазасы туралы хабар шыққан бойда оқиға орнына аттанып, анық-қанығын білді.

"Қала әкімдігінің мәліметінше, балалардың анасы - 28 жастағы келіншек қазір жұмыссыз, аяғы ауыр екен. Өрт болған күні есікті құлыптап, дәрігерге қаралуға кеткен. Қырық алты жастағы отағасы Нұр-Сұлтан қаласында құрылысшы болып істейді, қайғылы оқиға кезінде Семейде болмаған", - деп мәлімет берді Сәлімов.

Отбасыға әкімдік жәрдем көрсеткен

Қала әкімдігінің мәліметінше, отбасы әлеуметтік төлем алуға өтініш бермеген, жұмыссыз ретінде де тіркелмепті. Алайда отбасының қиындыққа тап болғанын әкімдік біліп, барынша жәрдем көрсетуге тырысқан.

Девочка с цветами в волосах, иллюстративное фото - Sputnik Қазақстан
Оқиға
"Қыз қорқып тұр екен" Қарағандыда жер үйдегі трагедияға көршілер куә болған 

"Шағын аудан №48 орта мектепке қарайды. Мектеп қызметкерлері жылына төрт рет үй-үйді аралайды. Қыркүйек, қараша және қаңтарда ата-анаға балаларды қоғамға бейімдеп, мектепке даярлау керектігі түсіндірілді. Рейдтердің бірінде үлкен ұлы әкесімен бірге елордада екені белгілі болды, ал кенжесі бөтен адамдардың қолында тұрған екен"- деді Сәлімов.

Балалар тұрып жатқан санитарлық-тұрмыстық жағдайдың төмендігіне байланысты, үйдің кенжесі Балалар үйіне жіберілуі тиіс еді. Алайда анасының арызы мен полиция органдарының өтінішіне байланысты баланы отбасыға қайтарыпты.

Тағы оқыңыз: Әр балаға 21 мың теңге жәрдемақыға құжат қабылдау басталды

"Отбасы тұратын мекенжай "Жоламан" отбасылық дәрігерлік амбулаториясының учаскесіне кіреді. Мекеме отбасыға үнемі медициналық ақыл-кеңес беріп, дәрігерлер балаларды уақытылы қарап отырған. "Саламатты ана мен бала" айлығының аясында отбасы көпбалалы болмаса да, тиісті медициналық көмек алды", - деп атап өтті әкім.

Марқұм балалардың анасы дағдарыс орталығында

Шығыс Қазақстан облысы әкімінің орынбасары Әсем Нүсіпова айтқандай, жүкті әйелді дағдарыс орталығына орналастырды. Қазір психологтар көмектесіп жатыр.

Жергілікті билік өкілдері отағасымен де кездесіпті, ол қазір Семейде туыстарының үйінде тұрып жатыр. Қала әкімдігі балаларды жерлеу рәсімін ұйымдастыруды мойнына алды.

Тағы оқыңыз: Нұр-Сұлтандағы бес баланың қазасы: марқұм қыздардың ата-анасы туралы белгілі болды

Жаңалықтар
0