Оқиға

Қарағандыда ер адам сауда орталығын жарып жіберемін деп қорқытты

© Sputnik / Тимур БатыршинҚазақстан полициясы, архивтегі фото
Қазақстан полициясы, архивтегі фото - Sputnik Қазақстан
Жазылу
Мереке күні сауда орталығында 500-ге жуық адам болған

НҰР-СҰЛТАН, 26 наурыз — Sputnik. Қарағандыда "Таир" сауда орталығында дүйсенбі күні төтенше оқиға болды.

Полиция ер адамды ұстап әкетті - Sputnik Қазақстан
Оқиға
Астанада газ баллонын жармақ болған ер адам ұсталды - видео

Бұл туралы хабар полицияға 19.46-да түскен. Орталық қызметкерінің айтуынша, белгісіз біреу ғимаратты жарып жіберемін деп қорқытыпты, деп хабарлайды жергілікті Ekaraganda.kz басылымы.

Ғимараттан 500-дей адам эвакуацияланды. Оқиға орнында жедел тергеу тобы мен сауда орталығының күзет қызметі 31 және 39 жастағы екі тұрғынды ұстады. Екеуі де мас болған.

Белгілі болғандай, 31 жастағы ер адам күзетшілерге сауда орталығын жарып жіберемін деп мәлімдеген, алайда полиция қызметкерлері қала тұрғынын тінту барысында ешқандай жарылғыш зат тапқан жоқ.

31 жастағы қарағандылыққа қатысты Әкімшілік құқық бұзушылықтар туралы кодекстің 438-бабы 1-тармағы (Арнаулы қызметтердi көрiнеу жалған шақыру) бойынша әкімшілік хаттама толтырылды, ал оның 39 жастағы досына – 440-бап 3-тармақ бойынша (Алкогольдік ішімдіктерді iшу немесе қоғамдық орындарға масаң күйде келу).

Жаңалықтар
0