Оқиға

Астанадағы қайғылы оқиға: өрттен қаза болған бес баланың отбасы туралы белгілі болды

© Sputnik / Сергей КимОйыншықтар
Ойыншықтар - Sputnik Қазақстан
Жазылу
Астанада жойқын өрт салдарынан бір үйдің бес баласы ажал құшты

АСТАНА, 4 ақпан – Sputnik. Дүйсенбіге қараған түні Астанада қайғылы оқиға болды. Жер үйлердің бірінде шыққан жантүршігерлік өрт салдарынан бір отбасының 5 баласы қаза болды, деп хабарлайды Sputnik Қазақстан.

Дәурен Абаев - Sputnik Қазақстан
Қоғам
"Өте қайғылы жағдай": министр өрттен қаза болған балалардың ата-анасына көңіл айтты

Қаза тапқан балалардың анасы пластикалық карталар шығаратын зауытта істейді, ал әкесі, жұмыспен қамту және әлеуметтік қорғау басқармасының мәліметіне сәйкес, техникалық қызмет көрсету станциясының (СТО) жұмысшысы.

Отбасы тұрмысы нашар тұрғындар арасында тіркелмеген – жергілікті атқару органдарынан ешқашан көмек сұрамапты, баспана кезегінде де жоқ. Бірақ көпбалалы отбасы ретінде жәрдемақы алып отырған.

Астанада тұрып жатқандарына 10 жылдың жүзі болыпты.

Қаза тапқан балалардың бәрі – қыздар. 2006 және 2009 жылы туған екі қыз елордалық мектептердің бірінде төртінші және алтыншы сыныпта оқыған.

Өрт сөндіруші - Sputnik Қазақстан
Оқиға
Астанадағы бес баланың қазасы: Сұлтанов шұғыл жиын өткізді

Бес жасар қыз мемлекеттік балабақшаға барады. Ал 2016 жылғы сәби балабақша кезегіне тіркелген.

Отбасының кенжесі – 2018 жылы туған сәби небәрі үш айлық екен.

Мектеп тарапынан отбасыға мемлекеттік көмек аясында қолдау көрсетіліпті. Мұғалімдердің айтуынша, қаза тапқан балалар сабақтан қалмайтын, тәртіптері жақсы, жайдары қыздар болған.

Жеке тұрғын үй аумағында орналасқан "времянкада" шыққан өрттің себебі әлі анықталған жоқ.

© Photo : ҚР ІІМ төтенше жағдайлар комитетіАстанада бес бала өртеніп кеткен үй
Астанадағы қайғылы оқиға: өрттен қаза болған бес баланың отбасы туралы белгілі болды - Sputnik Қазақстан
Астанада бес бала өртеніп кеткен үй

Белгілі болғандай, бұл факті бойынша қылмыстық кодекстің 202-бабы 3-бөлімі (Бөтеннің мүлкін қасақана жою немесе бүлдіру) бойынша сотқа дейінгі тергеу жүргізіліп жатыр. Қажетті сараптамалар тағайындалды. Тергеу барысы Астана полициясы департаменті басшылығының бақылауында.

Естеріңізге сала кетсек, 4 ақпанға қараған түні Көктал-1 тұрғын үй алабында алапат өрт болды. Төтенше оқиға салдарынан бір отбасының бес баласы қаза тапты. Өрт кезінде ата-анасы жұмыста болған

Жаңалықтар
0