Оқиға

Павлодарда өрт кезінде сегіз жасар қыз қаза тапты

© Photo : CC0 / PexelsӨрт
Өрт - Sputnik Қазақстан
Жазылу
Павлодар мен Қарағандыда жаңа жыл түні болған өрт үш адамның өмірін қиды

АСТАНА, 1 қаңтар — Sputnik. Жаңа жыл түні Павлодар тұрғындары үшін қайғылы аяқталды. Он қабатты үйде сегіз жасар балаға иіс тиіп, көз жұмған.

Тұрғын үйде жарылыс болды - Sputnik Қазақстан
Ресейде тұрғын үйде жарылыс болды: құтқарушылар үйінді астынан 37 адамды іздеп жатыр

Өрт шыққаны туралы хабар құтқарушыларға түнгі 02.11-де түскен. Павлодарда Ледовский көшесіндегі он қабатты үйдің бірінші қабатындағы пәтерде 12 шаршы метр аумақ өртеніпті.

"Өрт 02:43-те ауыздықталып, 03:30-да толығымен сөндірілді. Өрт сөндіру күштері 75 адамды эвакуациялап, үш адамды құтқарды. Өрт салдарынан үш тұрғынға иіс тиіп қалған", — деп мәлімет берді төтенше жағдайлар комитетінің баспасөз қызметі.

Жедел жәрдем 43 және 67 жастағы қала тұрғындарына алғашқы медициналық көмек көрсетті. Ал 2011 жылы туған қыз ауруханаға апара жатқан жолда жан тапсырған.

Өрттің себебі анықталып жатыр.

Бірінші қаңтар күні Қарағандыда жеке тұрғын үйдегі өрттен кейін 58 және 62 жастағы адамдардың денелері табылған. Оқиға куәгерлерінің айтуынша, екеуі де мас болыпты.

Жаңалықтар
0