АСТАНА, 31 желтоқсан – Sputnik. Алматы тауларында алты британиялық адасып кетті, деп хабарлады Қазақстан ІІМ ТЖ комитетінің ресми өкілі Нұрсұлтан Нұрахметов.
Үш бала және үш ересек адам жексенбі күні кешкі сағат 18:55-те Медеу ауданының Бутаковка шатқалында жоғалып кетті. Оларды іздеуге төтенше жағдайлар комитетінің жедел құтқау жасағы мен құтқару қызметінің құтқарушылары аттанды. Шетелдіктер сағат 20:34-те табылды. Медициналық көмек қажет болмады, деп толықтырды ТЖК.
Өткен демалыс күндері орманшы Алматы тауларында адасып кеткен ресейлік туристі тауып алған болатын. 35 жастағы ресейлік телефонының қуаты таусылмай тұрып, қайда жүргенін хабарлап үлгерген.
Алматы тауларында ағылшындар адасып кетті
© Photo : ҚР ІІМ ТЖК
