Оқиға

Алматыда полицей әріптесіне оқ атты: министр істің мән-жайын айтты

© Sputnik / Ксения ВоронинаПолицей
Полицей - Sputnik Қазақстан
Жазылу
Жәбірленуші кеше 21:00-де ауруханада көз жұмған, қазір аталған факті бойынша қылмыстық іс қозғалды

АСТАНА, 27 қыркүйек — Sputnik. ҚР Ішкі істер министрі Қалмұханбет Қасымов Алматыда полицейдің әріптесіне оқ атуына қатысты түсініктеме берді, деп хабарлайды Sputnik Қазақстан тілшісі.

Аурухана - Sputnik Қазақстан
Оқиға
Әріптесі оқ атқан полицей ауруханада көз жұмды

"Кінәлі адам кешке таман жұмысқа келген, қару алған. Автокөлік алу үшін гаражға барғанда, ол жерге оның туысқаны — әпкесінің күйеуі келеді. Олардың үш баласы бар, бірақ ол отбасынан кетіп қалған. Әйелімен бірге тұрмайтынына алты ай болған. Әлгі адам (қаза тапқан полицей — Sputnik) кезекшілігін тапсыруға келгенде, араларында кикілжің шығып, ол (күдікті — Sputnik) оқ атады", — деді министр.

Қасымов аталған фактіге қатысты адам өлтіру бойынша қылмыстық іс қозғалғанын атап өтті.

"Жәбірленуші кеше сағат 21:00 шамасында көз жұмды. Өзіндік қауіпсіздік департаменті қызметтік тексеріс жүргізіп жатыр", — деді ол.

Еске сала кетсек, кеше Алматы қаласында жергілікті полиция қызметінің инспекторы әріптесіне оқ атты. Жәбірленуші бірден ауруханаға жеткізілген.

Жаңалықтар
0