Оқиға

Астанада жас жігіт бесінші қабаттан құлап қаза тапты

© Sputnik / Болат ШайхиновКөпқабатты үй
Көпқабатты үй - Sputnik Қазақстан
Жазылу
Бастапқы деректер бойынша, ер адамның жасы 25-те; оқиғаның мән-жайын полиция анықтап жатыр

АСТАНА, 18 маусым — Sputnik. "Ақбұлақ таун" тұрғын үй кешенінде бесінші қабаттан жас жігіт құлап қаза тапты, деп хабарлайды оқиға куәгерлері.

Оқиғаға ересектер ғана емес, балалар да куә болған.

Жасөспірімнің қолындағы телефон, иллюстративті фото - Sputnik Қазақстан
Оқиға
Талдықорғанда оқушы тікелей эфирде биік ғимараттан абайсызда құлап өлді

"Жас жігіт, шамамен 25-те, терезеден құлап кетті. Аулада үй тұрғындары болған, біреулер балаларымен серуендеп жүрсе, біреулер орындықта отырды. Кенет бірнәрсенің құлаған дыбысын естідік. Қарасақ, адам құлап кетіпті. Бірден "жедел жәрдем" мен полиция келіп, бізден жауап алды. Қаза тапқан жігіттің құжаты бар екен", — деп хабарлайды көпқабатты үй тұрғындарының бірі.

Sputnik агенттігіне сұхбат беруші айтқандай, ер адам бұл үйде тұрмайды, біреуге қонаққа келіпті.

Астананың ішкі істер департаменті оқиғаны растады, мән-жай анықталып жатыр.

Жаңалықтар
0