АСТАНА, 13 наурыз — Sputnik. Абай даңғылы мен Саин көшелерінің қиылысында қалалық автобус пен жеңіл көлік соқтығысып қалды.
Sputnik Қазақстанға оқиға куәгерлері айтқандай, №38 автобус Саин көшесімен солтүстік бағытта бағдаршамның жасыл жарығына кетіп бара жатқан. Сол кезде Абай даңғылымен шығыс бағытта келе жатқан Mercedes қызыл жарықты ескермей, автобустың алдынан шыға келеді.
Автобус жүргізушісі тоқтап үлгермей, бар жылдамдығымен Mercedes көлігіне соғылған. Қатты соққыдан ығысқан көлік жарнама ілінген бағананы қағып кетті.
Жол апаты салдарынан, бастапқы дерек бойынша, сегіз адам зардап шегіпті. Жеңіл көлік жүргізушісі ауыр хәлде ауруханаға жатқызылды, автобустың жеті жолаушысы да ауруханаға жеткізілген.
Оқиға орнында жол полициясы жұмыс істеп жатыр.