Сәтсіз кездесу: Алматыда Lexus пен Delica соқтығысып, аударылып қалды

АСТАНА, 11 қыркүйек — Sputnik. Алматыда соқтығысу салдарынан екі көлік аударылып қалды, деп хабарлады оқиға куәгерлері Sputnik Қазақстан агенттігіне.

Жол апаты Тұрғыт Озал және Қарасай батыр көшелерінің қиылысында болған. Жүргізуші мен оқиға куәгерлерінің сөзіне сүйенсек, Mitsubishi Delica Тұрғыт Озал көшесімен оңтүстік бағытта жасыл жарыққа кетіп бара жатады. Сол кезде Қарасай батыр көшесінде шығыс бағытта қызыл жарыққа Lexus 570 көлігі өтіп кеткен. 

Екі көлік соқытығысып, аударылып қалды. Жол апаты салдарынан Mitsubishi жүргізушісі зардап шекті. Жедел жәрдем дәрігерлер гематомасы бар екенін анықтағанымен, ол ауруханаға жатудан бас тартты.

Алматы полициясы оқиғаның мән-жайын анықтамақ.