АСТАНА, 27 жел — Sputnik. Талдықорған маңында апатқа ұшыраған Су-27 жойғышының құлауына ұшақтағы жанармай жүйесіндегі ақау себеп болған деп хабарлады бұрынғы қорғаныс министрі, қазіргі сенат депутаты Мұхтар Алтынбаев.
Бұдан бұрын Алтынбаев ұшақтың апатқа ұшырауына жанармай жүйесіндегі ақау себеп болуы мүмкін деген болжам жасаған еді.
"Менің айтқаным расталды, апатқа жанармай жүйесі ұшыратқан. Кеше ӘҚК қолбасшыларымен сөйлестім. Олар апаттың себебі жанармай жүйесінің істен шығуы дейді. Ал, оның не себепті істен шыққанын тергеу жұмыстары анықтайды", — деді Алтынбаев сейсенбі күні тілшілерге.
