10:22 27 Қыркүйек 2021
Тікелей эфир
  • USD423.91
  • EUR497.37
  • RUB5.82
Экономика
Қысқа сілтеме алу
45 0 0

Премьер-министр Асқар Мамин ұлттық экономиканың көрсеткіші пандемия басталар алдындағы деңгейге жеткенін атап өтті

НҰР-СҰЛТАН, 14 қыркүйек – Sputnik. Қаңтар-тамыз айларында Қазақстан экономикасы 3%-ке өсті. Бұл туралы ұлттық экономика министрі Әсет Ерғалиев мәлімдеді, деп хабарлайды Sputnik Қазақстан тілшісі.

Айтуынша, есепті кезеңде нақты және қызмет көрсету секторларында оң динамика байқалады. Өндіруші емес секторларда инвестиция өскен, сауда балансының оң сальдосы сақталды.

"Осы жылдың қаңтар-тамыз айларында Қазақстан экономикасының өсу көрсеткіші 3%-ті құрады. Нақты сектордағы өсім – 3,5%. Қызмет көрсету саласында іскерлік белсенділік 2,3%-ке дейін өсті", - деді Ерғалиев үкімет отырысында.

Салалар арасында ақпарат және байланыс, құрылыс, сауда, сумен жабдықтау, электрмен жабдықтау, өңдеу өнеркәсібі жоғары өсім көрсеткен. Сондай-ақ ауыл шаруашылығында да оң өсім байқалып отыр.

Сондай-ақ, министрдің мәліметінше, қаңтар-шілдеде сыртқы сауда тауар айналымы 53,7 миллиард АҚШ долларын құрады, оның ішінде экспорт – 32 миллиард АҚШ доллары. Тауар импорты – 21,7 миллиард АҚШ доллары.

"Жалпы, сауда балансы 10,4 миллиард АҚШ долларын құрап, оң деңгейде сақталды", - деді ол.

Бұдан бөлек, биыл сегіз айда орындалған құрылыс жұмысының көлемі 11,4%-ке өскен. Өсім барлық өңірде тіркелді. Тұрғын үйді пайдалануға беру бойынша да оң динамика байқалуда. Жыл басынан бері 8,9 миллион шаршы метр баспана пайдалануға берілді.

Премьер-министр Асқар Мамин ұлттық экономиканың көрсеткіші пандемия басталар алдындағы деңгейге жеткенін атап өтті.

Тақырып бойынша

Министр Ерғалиев: жақын арада таза қазақ тілінде сөйлеуге уәде беремін
Бұрынғы ұлттық экономика министрі вакциналау паспортынан қате тапты
Тоқаев ұлттық экономика министріне бірқатар тапсырма берді
Досаев баға қай кезде төмендейтінін айтты
Досаев инфляцияны 4-6% деңгейіне қалай қайтаратынын айтты
Кілт сөздер:
экономика, өсім
Загрузка...

Басты тақырып