НҰР-СҰЛТАН, 31 наурыз — Sputnik. Қазақстанның депозиттерге кепілдік беру қоры теңгедегі депозиттер бойынша 2021 жылдың мамырына ең жоғары мөлшерлемені бекітті.
Қор ақпаратына сәйкес, Ұлттық банктің базалық мөлшерлемесі деңгейінің сақталуына байланысты қысқа мерзімді депозиттер бойынша ең жоғары мөлшерлеме өзгеріссіз (9%) қалды.
Нарыққа тәуелді 24 айға арналған жинақ салымдарын есепке алмағанда, ұзақ мерзімді депозиттер бойынша мөлшерлеме де өзгерген жоқ.
Ал 24 айға арналған жинақ салымдары бойынша мөлшерлеме (11,1%-тен 10,9%-ке және 12,6%-тен 12,4%-ке) біршама төмендеді. Бұл нарықтық мөлшерлеменің кері қарқынының сақталуына байланысты болып отыр.
