Экономика

Қазақстандықтардың тамаққа қанша ақша жұмсайтыны белгілі болды

© Photo : congerdesignтамақ
тамақ - Sputnik Қазақстан
Жазылу
Қазақстандықтар ақшасының 40 пайызын азық-түлік сатып алуға жұмсайды, ал мәдениет пен бос уақытына бөлетіні 2 пайыздан кем.

АСТАНА, 17 желтоқсан — Sputnik. Қазақстандықтардың тамақ пен бос уақытына қанша ақша жұмсайтыны белгілі болды. 

Еуропа елдері, Ресей, Қазақстан мен Түркия тұрғындарының шығысының құрылымына РИА Рейтинг агенттігі зерттеу жүргізген. 

Фонтан - Sputnik Қазақстан
Қоғам
ШҚО Астана қаласына сыйлық үшін 1 миллиард теңгедей жұмсайды
Белгілі болғандай, қазақстандықтардың шығысының 40 пайызы азық-түлікке кетеді. Мәдениет пен бос уақытқа бар болғаны 1,9% жұмсалады екен. 

Люксембург тұрғындары тамаққа ең аз ақша жұмсайтыны анықталды. Азық-түлік сатып алуға олар 8,7% ғана жұмсайды. Екінші орында Ұлыбритания, бұл көрсеткіш оларда 10%, ал үшінші орында 10,6%-бен Нидерланды тұр. Ирландия, Финляндия, Австрия, Норвегия мен Швейцария тұрғындары азық-түлікке шығыс ақшасының 12%-ын бөледі. 

Өткен жылдың қорытындысы бойынша ресейліктер тамаққа ақшасының 31,2%-ын, украиндар 50,9%-ын жұмсаған. 

Зерттеу жүргізген мамандар ұлттық статистикалық қызметтер мен Халықаралық валюта қорының мәліметтеріне сүйенген. Олардың айтуынша, тұрғындардың жалпы шығысының ішінде тамаққа бөлінген қаржының аз болуы отбасылардың өмір деңгейі жоғары екенін көрсетеді. 

Ақша - Sputnik Қазақстан
Экономика
Қазақстанда орташа жалақы көбейіп, 160 мың теңгеге жуықтады
Халықтың тұрмысы жақсы елдерде көбінесе ақшаны мейрамханаға баруға, саяхатқа шығуға және білім алуға жұмсайды. Дегенмен, үйден тыс жерде тамақтану тарихи әдетпен байланысты болуы мүмкін. 

Ресейліктердің мейрамханалар мен қонақүйлерге бөлетін шығыны шамамен 3,3%, қазақстандықтар да осы көлемде жұмсайды. 

Зерттеу қорытындысына сәйкес, мәдениет пен бос уақытқа ең көп ақша жұмсайтындар Швеция (18,7%), Ұлыбритания (13%) мен Австрияда (11,5%) тұрады. Қазақстанда бұл көрсеткіш — 1,9 %.

Жаңалықтар
0