НҰР-СҰЛТАН, 26 қазан – Sputnik. Премьер-министр Асқар Мамин көрші елдерде эпидемиологиялық ахуалдың ушығуына байланысты мемлекеттік шекарада бақылауды күшейтуді тапсырды, деп хабарлайды Sputnik Қазақстан тілшісі.
"Жалпы эпидемиологиялық ахуал бақылауда. Дегенмен көрші елдерде жағдайдың қиындағанын көріп отырмыз. Сондықтан өңірлердің, әсіресе шекаралас өңірлердің әкімдері санитарлық-эпидемиологиялық нормалардың қатаң сақталуын қамтамасыз етсін, науқастану деңгейіне нақты мониторинг жүргізу және жедел шаралар қабылдап отыру қажет. Мониторингтік топтардың жұмысын жандандыру керек. Денсаулық сақтау министрлігі мемлекеттік шекарада эпидемиологиялық бақылауды күшейтсін", - деді Мамин үкімет отырысында.
Қазір республикада 8,2 миллион адам бірінші компонент, 7,3 миллион адам екінші компонент алды. Премьер вакцина егу қарқынын ұлғайту қажет екенін айтты.
Ол Маңғыстау, Батыс Қазақстан, Қостанай, Ақмола облыстары мен Нұр-Сұлтан қаласының әкімдеріне вакциналау мәселесін жеке бақылауға алып, оның қажетті деңгейін қамтамасыз етуді тапсырды.
Бұдан бөлек, денсаулық сақтау, ақпарат министрліктеріне халық арасында вакциналау мен ревакцинациялаудың маңыздылығы туралы түсіндіру жұмысын жүргізу міндетін жүктеді.
Оқи отырыңыз:
- Цой коронавирус бойынша жаңа болжамды жариялады
- Вакцинаға қарсы шыққан жұмысшыларға қандай шара қолданылды – бас инспектордың жауабы
- Вакцина алмаған ұжымдарды тексеру қалай жүргізіледі
