07:21 27 Қыркүйек 2021
Тікелей эфир
  • USD423.91
  • EUR497.37
  • RUB5.82
Денсаулық
Қысқа сілтеме алу
COVID-ке қарсы вакцина (371)
168 0 0

Екпенің бірінші компонентін алғаннан кейін коронавирус жұқтырғандар саны 2 384 адамға жетті. Олар екінші дозасын алып үлгермеген

НҰР-СҰЛТАН, 23 шілде – Sputnik. Санитарлық-эпидемиологиялық бақылау комитетінің төрағасы Айжан Есмағамбетова вакцинадан кейін коронавируспен ауырып қалғандар санын жариялады, деп хабарлайды Sputnik Қазақстан тілшісі.

"Бүгінде вакциналаудан кейін барлығы 4 765 адам ауырды. Ал екпенің бірінші компонентін алғаннан кейін коронавирус жұқтырғандардың саны 2 384 адамға жетті. Олар екінші дозасын алып үлгермеген. Дегенмен, ондай адамдар үш айдан кейін вакцинаның екінші компонентін салдыра алады", - деді Есмағамбетова орталық коммуникациялар қызметінде өткен онлайн брифингте.  

Ал денсаулық сақтау вице-министрі Ажар Ғиният шетелдегі статистиканы мысалға келтірді. Оның айтуынша, Еуропа елдерінде вакцинадан кейін коронавирус жұқтыру жағдайлары аз емес. Алайда адамдардың көбісі екпе салдырғандықтан, өлімнің көрсеткіші Қазақстанға қарағанда төмен болып тұр.

"Мысалы, Ұлыбританияда 60 миллион адам вакцинаның бірінші компонентін салдырды. Ал толық вакциналаудан 45 миллион адам өтті. Ол жақта да вакцина салдырған адамдар ауырып жатады. Күніне 48 мың адам вирус жұқтырады. Бірақ қайтыс болғандар саны өте аз. Бір тәулікте 63 адам", - деп атап көрсетті Ғиният. 

Оның айтуынша, Израильде халықтың 80 проценті, тіпті, балалар да вакциналаудан өтті. Соның арқасында күніне коронавирустан үш-ақ адам қайтыс болып жатады. Олардың дені – онкологиялық ауруы бар науқастар. 

Қазақстанда соңғы бір тәуліктің ішінде коронавирус пен ковидтік пневмониядан 74 адам қайтыс болған.

Тақырып:
COVID-ке қарсы вакцина (371)

Тақырып бойынша

"Вакцина алмағанына өкінеді": денсаулық министрі халыққа үндеу жасады 
Денсаулық министрі балаларды вакциналауға қатысты сауалға жауап берді
Қазақстандықтарда таңдау бар ма – өңірлерде қандай вакцина қалды 
Антиваксерлер шенеуніктерге тап берді: Цой әйелдермен кездесуге неге шықпады
Нұр-Сұлтан әкімі: шұғыл шара қабылдау қажет
Кілт сөздер:
вакцина, коронавирус
Загрузка...

Басты тақырып