АСТАНА, 28 желтоқсан — Sputnik. Димаш Құдайбергеннің "Грешная страсть" әнін орындаған сәті "Россия 1" арнасының 2018 жылғы ең танымал видеосы болды.
Телеарнаның ресми YouTube парақшасында видеоны екі миллионнан астам адам тамашалаған.
Қыркүйек айында Димаш Құдайберген "Новая волна" халықаралық байқауында көрермендерді тәнті етті.
Қараша айында Димаш алғаш рет Кремль сахнасында ән айтты. Оның орындауындағы "Любовь уставших лебедей" әнін композитор Игорь Крутой сүйемелдеген. Димаштың Кремльдегі алғашқы жеке кеші 22 наурызда өтеді, билеттер қазірден бастап сатылып жатыр.
Димаш Кремльде ән шырқады — видео
Димаш Құдайберген Қытайдағы I am a singer жобасынан кейін бүкіл әлемдік танымалдыққа ие болды. Байқауда екінші орын алған жас әнші миллиондаған тыңдарманның ыстық ықыласына бөленді. Аспан асты елін аузына қаратқан ол Лондонда жеке концерт беріп, Ресейдің ірі сахналарында өнер көрсеткен.
Димаштың вокалдық диапазоны – бес октава, төрт нота және бір жарты тон.
