23:42 12 Маусым 2021
Тікелей эфир
  • USD427.15
  • EUR519.12
  • RUB5.96
Елорда тынысы
Қысқа сілтеме алу
2017 0 0

Желіде тараған кейбір деректерде қызметкерлер емтихан жүріп жатқан бөлмедегі кварц шамын сөндіруді ұмытып кеткені айтылады

НҰР-СҰЛТАН, 8 маусым – Sputnik. Елордадағы мектептің төрт оқушысы кварц әсерінен көздері зақымдалды, деп хабарлады қоғамдық денсаулық сақтау басқармасының баспасөз қызметі.

Астаналық басқарма ұсынған ақпаратқа сәйкес, №2 көпбейінді қалалық балалар ауруханасына жедел жәрдем көмегімен оқушылар жеткізілді. Олар кварц шамының әсерінен кейін өздерін нашар сезінгенін айтқан.

Төрт оқушыны дәрігерлер тексерді. Зардап шеккендер арасында 2004 жылы туған үш бала және 2005 жылы туған бір оқушы бар.

"Оларды тексеру кезінде жеңіл деңгейде электроофтальмия (көз алмасының зақымдалуы) анықталды", – делінген хабарламада.

Дәрігер тексергеннен кейін төрт оқушы да үйлеріне жіберілді. Олар тұратын мекенжайы бойынша амбулаториялық емдеу алады.

Назарбаев зияткерлік мектебінің баспасөз қызметі оқиғаның осы оқу орнында болғанын растады.

"Иә, расында мұндай жағдай болды. Оқиға Назарбаев зияткерлік мектебінің халықаралық бакалавриат мектебінде болды. Қазір мектепте қызметтік тексеріс жүріп жатыр. Барлық кінәлі тұлға жауапқа тартылады", - деді мектептегілер. 

Бүгін оқушылар медициналық тексеруден өту үшін емтиханнан босатылған. Емдеу мен оңалтуға байланысты барлық шығынды білім беру ұйымы өзі көтереді.

Баспасөз қызметінің хабарлауыша, барлық зияткерлік мектепте бактерияға қарсы шамдарды қолдану бойынша қосымша нұсқау жүргізіледі.

Әлеуметтік желідегі ақпарат бойынша, Нұр-Сұлтандағы мектептердің бірінде оқушылар кварцтеуге арналған ультракүлгін шам сөндірілмеген кабинетте мемлекеттік емтихан тапсырған.

Оқи отырыңыз: Енді қазақстандық түлектер колледжге түсу үшін емтихан тапсырмайды

Оқушылар кварц қосылған бөлмеде бір жарым сағат бойы отырған. Кешке қарай олар денсаулығына шағымданған соң жедел жәрдеммен ауруханаға жеткізілген.

Тақырып бойынша

Мектеп оқушысы емтихан алдында көз жұмды
Талдықорғанда оқушылар мінген мектеп автобусы екі жеңіл көлікпен соқтығысты
Қазақстандық оқушылар 1 қыркүйектен бастап мектепке бара ала ма
Алматыда науқасты ауруханаға апара жатқан жедел жәрдем көлігі апатқа ұшырады – видео  
Оралда жүкті әйелді алып бара жатқан жедел жәрдем көлігі аударылды
Кілт сөздер:
балалар, емтихан
Загрузка...

Басты тақырып