Қазақстанда бұқаралық іс-шараларды өткізуге уақытша тыйым салынды. Мемлекеттік органдардың мәжілістері мен баспасөз конференциялары онлайн режимде ұйымдастырылады. Десе де, біз алдағы күндерге жоспарланған іс-шаралар туралы ақпарат беруді жалғастырамыз.
26 ТАМЫЗҒА ЖОСПАРЛАНҒАН ШАРАЛАР
10.00 - Қазақстан Республикасы Конституциясының 25 жылдығына арналған халықаралық ғылыми конференция. Конференцияға әділет министрі Марат Бекетаев, Тұңғыш президент – Елбасы қоры атқарушы директорының орынбасары Игорь Рогов, парламент сенатының депутаты Қанатбек Сафинов, мәжіліс депутаты Светлана Бычкова, сондай-ақ Германия Федеративтік Республикасы, Ресей Федерациясы, Беларусь Республикасы және Қырғыз Республикасының сарапшылары қатысады (Аккредитация: saulen.n@zqai.kz, 8 701 120 84 06).
12.20 - LIDER Z жобасы аясындағы "Қазақстандағы мүмкіндігі шектеулі жандарға арналған жаңа бағдарламалар туралы" ОКҚ брифингі. Спикер: ақпарат және қоғамдық даму министрлігі азаматтық қоғам комитетінің төрағасы Мадияр Қожахмет, "Ерекше Таңдау-Шелек" КҚ бағдарламалық директоры Захира Бегалиева, IT-жобаның қатысушысы Максим Северьянов (Трансляция YouTube, Facebook желілерінде жасалады).
29 ТАМЫЗҒА ЖОСПАРЛАНҒАН ШАРАЛАР
16.00 – Еңбек сіңірген медицина қызметкері Нұрлан Батпеновті еске алуға арналған көрме (Қазақстан Ұлттық музейінің парақшасында трансляция жасалады - @nationalmuseumkz).
30 ТАМЫЗҒА ЖОСПАРЛАНҒАН ШАРАЛАР
11.00 – "Конституцияның құрылымы мен тарихы" онлайн-экскурсиясы (Қазақстан Ұлттық музейінің парақшасында трансляция жасалады - @nationalmuseumkz).
1 ҚЫРКҮЙЕККЕ ЖОСПАРЛАНҒАН ШАРАЛАР
11.00 - Қазақстан Республикасы парламенті палаталарының бірлескен отырысы.
11.00 - Президент Қасым-Жомарт Тоқаевтың Қазақстан халқына жолдауы.
Жоспарланған шаралар тізімі ашық дереккөзден алынды. Sputnik Қазақстан шаралардың уақыты мен күнінің өзгеруіне жауапты емес.
