АСТАНА, 5 мамыр – Sputnik. Елде жиналған коммуналдық қалдықтар көлемі 7,7%-ға артты, деп хабарлады ұлттық статистика бюросы.
2025 жылы Қазақстанда жиналған коммуналдық қалдықтар көлемі 7,7% өсіп, 4,1 млн тоннаны құрады.
"Сұрыпталған қалдықтар көлемі 1,5 млн тоннаға жетіп, 2024 жылмен салыстырғанда 16,3% артты. Сұрыпталған қалдықтар құрылымында макулатура мен картонның үлесі 9,4%, пластиктің үлесі 9% болды", - деп жазылған хабарламада.
Өңірлер бөлінісінде сұрыпталған қалдықтар көлемі бойынша Алматы қаласы көш бастап отыр - 409,3 мың тонна.
Көшбасшылар қатарында Астана қаласы - 377 мың тонна және Қарағанды облысы - 243,9 мың тонна бар.
2025 жылдың қорытындысы бойынша елде коммуналдық қалдықтарды жинау және тасымалдаумен айналысатын 846 кәсіпорын, сондай-ақ оларды сұрыптау, кәдеге жарату және көму жұмыстарын жүзеге асыратын 278 ұйым жұмыс істейді.