АСТАНА, 4 мамыр – Sputnik. Алматыда полиция Таиландтан Қазақстанға гашиш майын жеткізбек болған ер адамды ұстады, деп хабарлайды Polisia.kz.
20 жастағы жақын шетел азаматы Бангкок - Алматы рейсімен келген.
"Тексеру кезінде одан жалпы салмағы шамамен 11 килограмм болатын гашиш майы салынған 12 пластикалық ыдыс тәркіленді", - деді ІІМ есірткі қылмысына қарсы іс-қимыл комитеті төрағасының орынбасары Елдар Әбдікенов.
Аталған факті бойынша Қазақстан Республикасының Қылмыстық кодексінің 286-бабымен қылмыстық іс қозғалды. Баптың санкциясы мүлікті тәркілей отырып, 20 жылға дейін немесе өмір бойына бас бостандығынан айыру жазасын қарастырады.
Күдікті уақытша ұстау изоляторына қамалды.