АСТАНА, 11 сәуір – Sputnik. Қарағанды облысында жалпыхалықтық "Таза Қазақстан" акциясы аясында бір күнде облыс орталығында 400 ағаш егілді, деп хабарлайды облыстық әкімдік.
Қала орталығындағы Назарбаев даңғылы бойындағы аллеяға 60 қарағай қосылды.
Әкімдікте бұл бір реттік бастама емес екенін хабарлады.
Көгалдандыру тек қала орталығында ғана жүргізіліп жатқан жоқ. Жасыл желектер әуежайға баратын жол бойында, сондай-ақ қаланың өзге де аудандарында егілді.
Жалпы, биыл Қарағандыда 25 мыңнан астам ағаш егу жоспарланған. Саябақтар мен гүлзарларда қосымша шамамен 7 мың бұта және 12 700 ағаш пайда болады. Тағы 13 мыңнан астам ағаш қала аудандарында, соның ішінде өтемдік көгалдандыру аясында егіледі. Сонымен қатар алма бағының құрылуы жалғасады.