АСТАНА, 31 наурыз - Sputnik. Қазақстан ауылдық жерлерде жұмыс істейтін мамандарға берілетін үстемеақының мерзімін ұзартуды көздеп отыр.
Бұл туралы үкіметтің "Ашық нормативтік құқықтық актілер" порталында жарияланған қаулы жобасында айтылған.
Жобада ресми жалақының 25%-ы көлемінде уақытша белгіленген ауылдық жерлерде берілетін үстемеақының мерзімін ұзарту көзделген.
Үстемеақы мемлекеттік қызметшілерге, сондай-ақ мемлекеттік бюджеттен қаржыландырылатын ұйымдардың қызметкерлеріне ұзартылады.
Бұл денсаулық сақтау, әлеуметтік қамсыздандыру, білім беру, мәдениет, спорт және ветеринария салаларының, сондай-ақ Алатау қаласындағы орман шаруашылығы мен ерекше қорғалатын табиғи аумақтардың қызметкерлеріне қатысты.