АСТАНА, 8 наурыз – Sputnik. АҚШ президенті Дональд Трамп Флоридадағы "Америка қалқаны" саммиті кезінде Украинадағы қақтығысты реттеуге қатысты ойларымен бөлісті, деп хабарлады РИА Новости.
"Мен сегіз соғысты аяқтадым, тағы біреуін аяқтау жолында келе жатырмыз", - деді Трамп саммитте.
АҚШ президенті келіссөздер барысында Украинадағы қақтығысты реттеу бойынша келісімге бірнеше рет жақындағанын, бірақ бұл мәселені шешу қиын болып жатқанын мәлімдеді.
"Біз келісімге бірнеше рет жақындадық. Бұл өте, өте қиын болып жатыр... Не болатынын көреміз", - деді Трамп.
Ресей, АҚШ және Украина арасындағы келіссөздердің кезекті раунды 17-18 ақпанда Женевада өтті. Келіссөздерден кейін Ресей делегациясының басшысы және Ресей президентінің көмекшісі Владимир Мединский жақын арада жаңа кездесу болатынын хабарлады.
РИА Новости Украина бойынша үшжақты келіссөздердің келесі кезеңі Женевада өтпеуі мүмкін екенін хабарлады.