АЛМАТЫ, 5 наурыз – Sputnik. Президент Қасым-Жомарт Тоқаевтың тапсырмасымен парламент сенатының төрағасы Мәулен Әшімбаев Иранның Қазақстандағы елшілігіне барды, деп хабарлайды сенат.
Мәулен Әшімбаев президент Қасым-Жомарт Тоқаевтың атынан Иран халқына көңіл айтты
Мәулен Әшімбаев Иранның төтенше және өкілетті елшісі Әли Акбар Джоукармен кездесіп, президент атынан Иран халқына, сондай-ақ қайғылы оқиғалардың салдарынан қаза тапқандардың туыстары мен жақындарына көңіл айтты.
"Қазақстан Иранның жоғарғы рухани көшбасшысы аятолла Сейед Әли Хаменеи, ел басшылығының өкілдері мен бейбіт тұрғындар, оның ішінде балалар қаза тапқан қайғылы оқиға туралы хабарды күйзеліспен қабылдады", - деді Мәулен Әшімбаев.
Мәулен Әшімбаев мемлекет басшысының халықаралық құқық нормалары мен БҰҰ Жарғысын қатаң сақтай отырып, халықаралық қақтығыстарды тек саяси-дипломатиялық жолмен реттеуді дәйекті түрде жақтайтынын атап өтті.
Сенат спикері Иран Қазақстанның жақын көршісі және серіктесі екенін және қақтығысты бейбіт жолмен реттеуге жәрдемдесуге дайын екенін айтты.