АСТАНА, 5 наурыз – Sputnik. РФ Сыртқы істер министрлігінің басшысы Сергей Лавров Мәскеу Украина мәселесі бойынша келіссөз жүргізуге дайын екенін, алайда кейде келіссөз достыққа жатпайтын әрекеттерді бүркемелеу үшін қолданылатынын айтты.
"Біз келіссөзге дайынбыз. Бірақ тағы да қайталап айтамын, біз келіссөз достыққа жатпайтын әрекеттерді бүркемелеу үшін өте жиі қолданылатынын көріп отырмыз. Нақты айтқанда, АҚШ-тың украин режиміне барлау деректерін беруді жалғастырып жатқанын, еуропалықтарға қару сатып, олардың оны өз қаражатына Киев режиміне беріп жатқанын көріп отырмыз", – деді Лавров Украина төңірегіндегі жағдайды реттеу тақырыбына арналған елшілік дөңгелек үстелі барысында.