АСТАНА, 3 наурыз – Sputnik. Павлодар облысында жасөспірімді зорлаған ер адамға қатысты сот үкімі шықты, деп хабарлайды облыстық сот.
Ер адам мас күйде жасөспірімді зорлаған. Істі Павлодар облысының қылмыстық істер жөніндегі мамандандырылған ауданаралық соты қарады.
"Қылмыстық кодекстің 120-бабы 3-1-бөлігі 1-тармағы "Кәмелетке толмаған адамға күш қолданып зорлау" фактісі бойынша қылмыстық іс қаралды", - дейді сот.
Қылмыстық іс жабық отырыста қаралды.
Сотталушының кінәсі кәмелетке толмаған жәбірленушінің, оның заңды өкілінің, куәлардың айғақтарымен, сараптамалардың қорытындыларымен толық дәлелденген.
"Сот үкімімен ол кінәлі деп танылып, 16 жылға сотталды. Сондай-ақ ол өмір бойына педагогикалық және кәмелетке толмағандармен жұмыс істеуге байланысты лауазымдарды атқару құқығынан айырылды", - дейді сот.
Сотталушы жазасын қылмыстық-атқару жүйесінің орташа қауіпсіз мекемесінде өтейді. Үкім заңды күшіне енген жоқ.