АСТАНА, 15 ақпан – Sputnik. Мәнерлеп сырғанаудан Олимпиада чемпионы Михаил Шайдоров қазақстандықтарға ойындардағы қолдауы үшін алғысын білдірді.
"Барлық қазақстандыққа, трибунада, экран алдында қолдаған жанкүйерлерге, әлеуметтік желіде пост жазғандарға алғыс білдіремін! Мемдер де өте көп болды. Бұл мен үшін шексіз қуаныш. Соңғы екі күнде не сезінгенімді сөзбен айтып жеткізу мүмкін емес. Мен тіпті ұйықтаған да жоқпын, бірақ сіздерге барлық күш-қуатымды бөліп, алғысымды айтамын", – деді мәнерлеп сырғанаушы.
Михаил Шайдоров 2026 жылғы Италия Олимпиадасында соңғы жаттығуда мінсіз сырғанаған жалғыз спортшы болды. Қорытынды нәтиже:
1.
Михаил Шайдоров (Қазақстан) — 291.58 ұпай,2.
Юма Кагияма (Жапония) — 280.06,3.
Шун Сато (Жапония) — 274.90.Айта кетері, қысқа бағдарламадан кейін Михаил Шайдоров бесінші орынға ие болған еді. Ол абсолютті фаворит америкалық Илья Малининнен 15 ұпайдан астам артта қалды – бұл өте үлкен айырмашылық.
Еркін сырғанауда Михаил Димаш Құдайбергеннің орындауындағы әнге сырғанап, бес рет төрттік секіріс жасады — бұл соңғы жаттығуда ешқандай үлкен қателіксіз орындалған жалғыз секіріс болды.
Оның өнерінен кейін фавориттер өз бағдарламаларында қателіктер жіберіп, бұл қазақстандық спортшыға Олимпиада алтынын жеңіп алуға мүміндік берді.