АСТАНА, 14 ақпан - Sputnik. Мемлекет басшысы Михаил Шайдоровты Қысқы Олимпиада ойындарының чемпионы атануымен құттықтады.
Қасым-Жомарт Тоқаев атлеттің отандық спорт тарихында мәнерлеп сырғанаудан тұңғыш рет алтын медаль иеленуін тарихи маңызы зор жетістік ретінде айтты.
Президент Михаил Шайдоровқа жоғары шеберлігі, жеңіске деген ерік-жігері үшін алғыс айтты.
"Қасым-Жомарт Тоқаев Михаил Шайдоровты II дәрежелі "Барыс" орденімен марапаттау туралы шешім қабылдады. Сондай-ақ жаттықтырушыларға, Конькимен мәнерлеп сырғанау федерециясына және тиісті министрлікке атқарған жұмысы үшін ризашылық білдірді", - деп жазылған хабарламада.
Мемлекет басшысы барша спорт сүйер қауым мен ел азаматтары спортшының айтулы жетістігін мақтан тұтатынын жеткізді.
Президент Олимпиада чемпионына толайым табыс пен жеңіс тіледі.