АЛМАТЫ, 3 ақпан – Sputnik. Қызылорда облысындағы "Қарабұтақ – Қызылорда – Шымкент" тас жолында жол апатынан 20 жастағы жүргізуші көз жұмды, деп хабарлайды Sputnik Қазақстан.
Оқиға 2 ақпан сағат 13:45 шамасында Сырдария ауданындағы Шаған ауылының тұсында болған.
Әлеуметтік желіде тараған ақпарат бойынша Тереңөзек кентінен Ақжарма ауылына қарай бағыт алған "Audi 80" көлігі қарсы бағытта келе жатқан көлікпен соқтығысқан.
Жол апаты адам өмірін қиғанын Қызылорда облыстық полиция департаменті растады.
"Жол апаты салдарынан бір адам көз жұмды. Қазіргі уақытта тергеу жүріп жатыр", - дейді полиция.
Айта кетері, "Audi" көлігіне газ орнатылғаны анықталды. Көз жұмған жүргізуші небәрі 20 жаста болған.