АСТАНА, 22 қаңтар – Sputnik. Қазақстан қоғамында аға және жас буын арасында жікке бөліну бар, деп мәлімдеді тарих ғылымдарының докторы Болат Сұлтанов "Валдай" пікірталас клубы алаңында.
"Біз бір нәрсені түсінуіміз керек: аға буын (Қазақстанда - Sputnik) Ресейге оң көзқараспен қарайды және қандай да бір жағдайға қарамастан бұл елмен доспыз. Украинадағы жағдай, әрине, біздің жастарымыздың көңіл-күйін тұрақсыздандырды", - дейді қазақстандық сарапшы.
Болат Сұлтанов Қазақстан қоғамында аға және жас буын арасында жікке бөліну бар деп санайды:
"Жас ұрпақ бұл мәселеде біршама ревизионистік ұстанымға бет бұра бастады. Бірақ менің ойымша, қазір болып жатқан нәрсенің барлығы жолдас Трамптың саясатына байланысты... Жалпы алғанда, бұл жастарымыздың әлі толық қалыптаспаған санасы үшін суық душ іспетті".
Сұлтанов ТМД мен ЕАЭО аясындағы ынтымақтастық "жұмсақ күшпен" жүруге тиіс деп есептейді және бөлетін емес, керісінше біріктіретін факторларды іздеу қажет екенін атап өтті.
"Батыстың арнайы қызметтері түрлі транш пен каналдар арқылы русофобияны өршітуге үлес қосады. Қазақстанда да біз русофобиямен және сонымен қатар күшейіп келе жатқан китайға қарсы көңіл-күймен бетпе-бет келіп отырмыз. Алайда саналы адамдар мұның уақытша құбылыс екенін, бәрі де өтпелі екенін түсінеді", – деп түйіндеді ол ол.