АСТАНА, 21 қаңтар – Sputnik. Мәжіліс депутаттары Қазақстан мен Қырғызстанның шекарасы арқылы өткізу пункттері туралы келісімге өзгеріс енгізетін хаттаманы ратификациялады, деп хабарлайды Sputnik Қазақстан тілшісі.
Хаттамаға сәйкес, Қазақстан жағындағы "Кеген-автожолдық" және Қазақстанның "Қарқара-автожолдық" өткізу пунктінің жұмыс режимін тәулік бойына ауыстырылады.
"Өткізу пунктінің жұмыс режимін өзгерту қазақ-қырғыз шекара маңы ынтымақтастығын одан әрі дамытуға, тауар айналымын ұлғайтуға және мемлекеттердің туристік саласындағы ынтымақтастығын дамытуға ықпал етеді, сондай-ақ қазақ-қырғыз мемлекеттік шекарасында орналасқан басқа да автомобиль өткізу пункттерінде жолаушылар ағынын азайтуға ықпал етеді", - делінген мәжіліс қорытындысында.
Ресми мәліметке сәйкес, бүгінде осы өткізу пунктері "тәуліктің жарық уақытында" ғана жұмыс істейді. Кеген арқылы бір жылда 116 мың адам және 28 мың көлік өтеді. Ал жұмыс режимі тәулік бойына ауыстырылғаннан кейін бұл көрсеткіш екі есеге өседі деген болжам бар.
Айта кетері, хаттаманы ратификациялау туралы заң жобасы сенаттың қарауына жіберілді.