АСТАНА, 16 қаңтар – Sputnik. Оңтүстік Корея соты 2024 жылғы желтоқсанда елде қысқа мерзімді әскери жағдай енгізген бұрынғы президент Юн Сок Ёльді сот төрелігіне кедергі келтірді деген айыппен 5 жылға бас бостандығынан айырды. Бұл туралы Рёнхап агенттігі хабарлады.
"Юн Сок Ёль қамауға алуға кедергі келтірді деген айып бойынша 5 жылға бас бостандығынан айырылды", – делінген агенттік хабарламасында.
Соттың мәліметінше, экс-президент 2025 жылғы қаңтарда тергеушілердің оны ұстауына кедергі жасаған. Бұған дейін прокуратура осы айып бойынша оған 10 жыл түрме жазасын кесуді сұраған болатын.
Бұған дейін Оңтүстік Корея прокуратурасы 2024 жылғы желтоқсанда әскери жағдай жариялап, бүлік ұйымдастырды деген айыппен бұрынғы президент Юн Сок Ёльге өлім жазасын сұрағаны хабарланған еді.