АСТАНА, 14 қаңтар – Sputnik. Денсаулық сақтау министрлігі қазақстандықтардың 35,7%-ы салауатты өмір салты қағидаттарын ұстанатынын хабарлады.
"Салауатты өмір салтын ұстанатын Қазақстан Республикасы азаматтарының үлесі" ұлттық зерттеуіне сәйкес, 2025 жылдың қорытындысы бойынша қазақстандықтардың 35,7%-ы СӨС қағидаттарын ұстанады, бұл өткен жылмен салыстырғанда 1,5%-ға артық", - деп жазылған хабарламада.
Көрсеткіштің өсуі көптеген азаматтардың салдарын емдеудің орнына аурудың профилактикасын, физикалық белсенділікті және теңдестірілген тамақтануды таңдай отырып, өз денсаулығына саналы түрде қарайтындығын көрсетеді.
Министрлік мәліметінше, 2025 жылы Қазақстанда МСАК ұйымдарында 1,66 миллионнан астам адам қатысқан 4 719 Денсаулық мектебі және 253 352 адамды қамтыған стационарларда 380 мектеп жұмыс істеді.
Сонымен қатар, темекіге қарсы 72 орталық пен кабинет қызметін жүзеге асырды, олардың қызметтерін 35 мыңға жуық адам пайдаланды.
Жиынтығында бұл қадамдар денсаулыққа қамқорлық жасаудың неғұрлым орнықты мәдениетін қалыптастырады, Денсаулық сақтау жүйесінің профилактикалық бағытын күшейтеді және Қазақстанда созылмалы инфекциялық емес аурулардың таралуын төмендету үшін жағдай жасайды, дейді ведомствода.