АСТАНА, 5 қаңтар – Sputnik. 30 желтоқсанда Алматы халықаралық әуежайы Air China әуекомпаниясының Чэнду – Алматы бағыты бойынша жаңа рейсін салтанатты түрде қабылдады, деп хабарлайды Алматы әуежайы.
Ұшақ Қытайдың Чэнду Тяньфу халықаралық әуежайынан келді.
Алматы - Чэнду арасындағы тікелей әуе қатынасы аптасына екі рет - сейсенбі және сенбі күндері орындалады. Рейстер Airbus A320 ұшақтарымен жүзеге асырылады.
"Алматыдан ұшу уақыты — 21:30, ал Чэндуға келу жергілікті уақыт бойынша келесі күні таңғы 04:30-да жоспарланған. Чэндудан Алматыға дейінгі ұшу шамамен 3,5 сағатқа созылады, ал кері бағыттағы рейстің ұзақтығы бес сағатқа жуық", - дейді әуежайда.
Жаңа бағыттың ашылуы – ауысып мінетін рейстермен салыстырғанда жол жүру уақытын кемінде жеті сағатқа дейін қысқартуға мүмкіндік береді.