АСТАНА, 24 желтоқсан – Sputnik. Еуропалық Одақ Украинаға 90 миллиард еуро көлеміндегі жаңа несиені қоспағанда, 193 миллиард еуро көлеміндегі көмек көрсетті, деп хабарлады Еуропалық Комиссияның басшысы Урсула фон дер Ляйен.
"Біз Украинаға 193 миллиард еуро көлеміндегі қаржылық, әскери және гуманитарлық көмек көрсеттік. Алдағы екі жылға тағы 90 миллиард еуро бөлу туралы келістік", - деді Урсула фон дер Ляйен X әлеуметтік желідегі жазбасында.
Өткен аптада Брюссельдегі саммитте Еуроодақ Ресей активтерін тәркілеуден уақытша бас тартып, Украинаға өз бюджетінен 90 миллиард еуро көлеміндегі несие беру туралы шешім қабылдады.
Венгрия, Словакия және Чехия несиені қамтамасыз етуге қатыспағаны туралы хабарланды.
Саммиттен кейін Венгрия премьер-министрі Виктор Орбан Украина ақшаны қайтармайтындықтан, шешім қабылдағандардың балалары мен немерелері ЕО-ның Киевке берген несиесін төлеуге жауапты болатынын мәлімдеді.