АСТАНА, 19 желтоқсан – Sputnik. Ресейге санкциялық қысым, соның ішінде Сербиямен мұнай саласындағы ынтымақтастыққа қысым жалғасып жатыр, деп мәлімдеді Ресей президенті Владимир Путин жылдық қорытынды баспасөз мәслихатында.
"Өкінішке қарай, қарым-қатынасты жақсартуға деген сыртқы ұмтылысқа қарамастан, күш саясатының бөлігі болып табылатын санкциялық қысым жалғасып жатыр", - деді Ресей президенті.
Владимир Путин "Сербия мұнай индустриясы" компаниясының меншік иесі болып табылатын "Газпромнефть" компаниясына да қатысты екенін айтты.
"Бұл компанияға "Газпромнефть" айтарлықтай қаражат, анығырақ айтқанда осы уақытқа дейін 3 миллиард доллардан астам инвестиция салып, оны заманауи, жоғары тиімді кәсіпорынға айналдырды. Бұл Сербия бюджетіндегі негізгі салық төлеуші", - деді Путин жыл сайынғы баспасөз мәслихатында.
Бүгін Мәскеуде Ресей президентінің жылдық қорытынды баспасөз конференциясы тікелей эфирде өтіп жатыр. Владимир Путин 2025 жылдың қорытындысын шығарып, журналистердің сұрақтары мен ресейліктердің өтініштеріне жауап береді. Баспасөз конференциясына ресейлік және шетелдік БАҚ-тан 600-ге жуық журналист қатысады деп хабарланған.