АСТАНА, 10 желтоқсан – Sputnik. Италия вице-премьері, "Лига" партиясының жетекшісі Маттео Сальвини Еуропа шенеуніктері Украинадағы бейбітшілікке мүдделі емес екенін мәлімдеді.
"Бұл соғыс қазірдің өзінде 300 миллиард долларға түсіп отыр, ал Трамп келесі жылы бір лира да жұмсамайтынын мәлімдеді. Еуропаға бұл 140 миллиард еуроға түседі. Мен жеңіліп жатқан соғысты жалғастыру үшін Италия денсаулық сақтау жүйесінен ақша алмаймын", – деді Сальвини Rete4 телеарнасының эфирінде.
Саясаткердің айтуынша, Украина қиындыққа тап болып, азаматтарын жаппай мобилизациялауға мәжбүр болып отыр.
"Бұл – факт. Еуропада Зеленскийге көмектесу үшін емес, өз орнын, креслосын сақтау үшін әрекет ететін әлдекімдер бар сияқты, олар шынайы бейбітшілікке мүдделі емес", — деді ол.
Бұған дейін Сальвини Киевке қару сатып алуға жұмсалып жатқан Италия салық төлеушілерінің қаржысы Украинадағы жемқорлықты күшейтуі мүмкін деген болатын.