АСТАНА, 9 желтоқсан – Sputnik. "Қайрат" – "Олимпиакос" матчында көрермендер үшін стадионға арнайы автобустар қатынайды, деп хабарлайды қала әкімдігінің ресми сайты.
Бүгін елорданың "Астана Арена" стадионында Чемпиондар лигасының аясында "Қайрат" – "Олимпиакос" матчы өтеді. Көрермендер үшін стадионға арнайы автобустар қатынайды.
Қала әкімдігі матч күні стадионға қатынайтын шамамен 25 автобус ұйымдастырады.
Автобустар мына орындардан қатынайды:
1.
"Қалалық цирк" автотұрағы;2.
"Әзірет Сұлтан" мешітінің автотұрағы;3.
"Қазақстан" спорт кешенінің автотұрағы;4.
Орталық парк автотұрағы;5.
"Бас Мешіт" автотұрағы.Автобустар 18:00-де қозғала бастайды және екі бағытта қатынайды. Көрермендерге жиналу орындарына 17:30-ға дейін келу ұсынылады.
Матч кезінде Астана қаласының полиция департаменті қауіпсіздік шараларын күшейтеді. Қоғамдық тәртіпті қамтамасыз ету үшін шамамен 2800 полиция қызметкері жұмылдырылады, оған патрульдік бөлімшелер, учаскелік инспекторлар және кинологиялық қызмет кіреді.
Қабанбай батыр мен Тұран даңғылдарында көлік қозғалысына шектеулер енгізілмейді.