АСТАНА, 7 желтоқсан – Sputnik. Франция президенті Эммануэль Макрон Украина басшысы Владимир Зеленскиймен сөйлескенін мәлімдеді.
"Мен Зеленскиймен сөйлестім. Өзімнің соңғы халықаралық талқылауларым, соның ішінде Қытайдағы кездесулерім (Украина қақтығысын реттеу мәселесіне қатысты – ред.) белгілі бір жайларды айқындауға мүмкіндік бергенін оған жеткіздім", – деп жазды Макрон Х әлеуметтік желісіндегі парақшасында.
Франция президенті дүйсенбі күні Зеленский, Германия канцлері Фридрих Мерц және Ұлыбритания премьер-министрі Кир Стармермен бірге Лондонда Украина қақтығысын тоқтату жөніндегі Киев пен АҚШ арасындағы соңғы келіссөздер аясында "үйлестіру жұмыстарын жалғастыратынын" растады.