АСТАНА, 30 қараша – Sputnik. Ресей Қара теңіздегі танкерлерге және Новороссийскідегі Каспий құбыр консорциумы инфрақұрылымына қарсы шабуылды айыптайды, деп хабарлады Ресей Сыртқы істер министрлігі.
"Киевтің кейбір батыстық демеушілері Украина қоғамының назарын (сыбайлас жемқорлық жанжалынан) азаматтық нысандарға жасалған резонансты шабуылдарға аударуға тырысып жатқан сияқты. Біз сондай-ақ тұрақты бейбітшілікке қол жеткізуге бағытталған қазіргі халықаралық күш-жігерге кедергі жасауға талпынысты көріп отырмыз. Бұған дейін де келіссөздерді үзген күштер араласты", - деді Ресей Сыртқы істер министрлігінің ресми өкілі Мария Захарова.
Ол сондай-ақ бұл шабуыл қазіргі уақытта келіссөз арқылы шешім іздеп жүргендерге, соның ішінде "Трамптың соңғы бастамаларын ескеріп" әрекет жасап жатқандарға сигнал екенін атап өтті.
Еске сала кетейік, Қазақстан Сыртқы істер министрлігі Каспий құбыр консорциумына жасалған шабуылға байланысты наразылық білдірді. Ведомство бұл шабуылды Қазақстан мен Украина арасындағы екіжақты қарым-қатынасқа нұқсан келтіретін әрекет ретінде қарастыратынын мәлімдеді.
Түркия да мұнай танкерлеріне жасалған шабуылдарға алаңдаушылық білдіріп отыр.