АСТАНА, 18 қараша – Sputnik. АҚШ президенті Дональд Трамп Украинадағы қақтығыс жақын арада аяқталады деп санайтынын айтты.
"Мен адамдардың баға белгілеу және қолжетімділік бойынша тамаша жұмысымды мойындағанын қалаймын, себебі біз бағаны айтарлықтай төмендеттік... және сегіз соғысты аяқтадық, жақын арада тағы біреуін тоқтатамыз деген ойдамын", - деді ол Ақ үйде журналистерге.
Америка басшысы әңгіме Украинадағы қақтығыс туралы екенін тікелей айтқан жоқ, алайда бұған дейін өзі аяқтаған соғыстардың тізімін кеңейту жайлы айтқан кезде Украинаны бірнеше рет тілге тиек еткен болатын.