АСТАНА, 13 қараша – Sputnik. ЕАЭО елдерінде ауыл шаруашылығы өнімдерінің бағасы 2025 жылдың алғашқы тоғыз айында 2024 жылдың сәйкес кезеңімен салыстырғанда 10,2%-ға өсті, деп хабарлады ЕЭК.
Қырғызстан ең үлкен өсімді көрсетті, мұнда баға 14,1%-ға өсті. Одан кейін:
Ресей – 12,4%;
Беларусь – 9,9%;
Армения – 4,9%.
Ал Қазақстанда керісінше 3%-ға төмендеді. Өнім түрлері бойынша бағаға келетін болсақ, өсімдік шаруашылығы 13,5%-ға, ал мал шаруашылығы 8,2%-ға өсті.
2025 жылдың қыркүйегіндегі баға динамикасы 2024 жылдың қыркүйегімен салыстырғанда +8,9%-ға өсті. 2025 жылдың қаңтарымен салыстырғанда өсім 1%-ды құрады.