АСТАНА, 11 қараша – Sputnik. Қазақстанның үстел теннисінен ерлер құрамасы VI Ислам ынтымақтастығы ойындарының чемпионы атанды.
Финалда Қазақстан Иран құрамасымен кездесіп, 8:1 есебімен жеңіске жетті.
Команда құрамы:
Алан Құрманғалиев
Айдос Кенжегұлов
Кирилл Герасименко.
Нәтижесінде ұлттық құрама турнирдің алтын медалін иеленді.
Биылғы додаға әлемнің 57 елінен 3000-нан астам спортшы қатысып жатыр. Қазақстан құрамасынан 15 спорт түрінен 98 спортшы бақ сынайды. VI Ислам ынтымақтастығы ойындары 7–21 қараша аралығында өтеді.