АСТАНА, 9 қараша – Sputnik. АҚШ-қа Владимир Зеленскийді Украинадағы бейбітшілік процесіне кедергі келтірмеуге көндіру қиынға соғып жатқан сияқты, деп мәлімдеді Ресей сыртқы істер министрі Сергей Лавров РИА Новостиге берген сұхбатында.
"Сол уақытта (Аляскадағы саммитте – ред. ескертпесі) америкалықтар бізді Зеленскийдің бейбітшілікке кедергі келтірмеуіне қол жеткізе аламыз деп сендірді. Шамасы, бұл тұрғыда белгілі бір қиындықтар туындаған. Сонымен қатар, біздің білуімізше, Брюссель мен Лондон Вашингтонды дағдарысты саяси-дипломатиялық жолмен реттеу ниетінен бас тартуға және Ресейге әскери қысым көрсету әрекеттеріне толықтай қосылуға, яғни "соғыс партиясының" бір бөлігіне айналуға көндіруге тырысып жатыр", - деді ол.
Оның айтуынша Ресей мен АҚШ арасындағы екіжақты мәселелер бойынша диалог ілгерілеп жатыр, бірақ өзі қалағандай жылдам емес.