Көрме жеті мыңжылдықты қамтиды. Орталық залда келушілерді ІІ Рамзестің алып мүсіні қарсы алады.
Суретте: Гизадағы Үлкен Мысыр музейінің ресми ашылуынан кейінгі алғашқы күні туристер перғауын ІІ Рамзес мүсініне таңданып тұр.
Кіреберісте келушілер ерекше құрылым – биіктігі 16 метрден асатын ескерткішті көре алады. Ескерткіштің өзі шамамен 3500 жыл бұрын пайда болған және ол шыны едені бар заманауи құрылымға орнатылған.
Суретте: Гизадағы Үлкен Мысыр музейіндегі экспонаттар.
Музейдің ең басты жәдігері - бұрын Каир музейінде сақталған әйгілі алтын масканы қоса алғанда, Тутанхамонның толық топтамасы.
Суретте: Музейге келушілер Тутанхамон патшаның алтын жерлеу маскасын суретке түсіріп жатыр.
Үлкен Мысыр музйеінің коллекциясында 100 мыңнан астам артефакт бар, ал Луврдағы олардың саны небәрі 35 мыңға жетеді.
Суретте: Гизадағы Мысыр музейінің ресми ашылуы.
Жобаның ауқымы таңқаларлықтай. Кешеннің жалпы ауданы шамамен 500 мың шаршы метрді құрайды. Бұл іс жүзінде тұтас қаланың көлеміне тең.
Суретте: Гиза қаласындағы Үлкен Мысыр музейіне келушілер. 2025 жылдың 4 қарашасы.
Бұл алып құрылымды салуға жиырма жылға жуық уақыт кетті. Көрме ежелгі Мысыр тарихының жеті мыңжылдығын қамтиды.
Суретте: Гизадағы Үлкен Мысыр музейіндегі экспонаттар.
Музейд 12 үлкен көрме залы бар. Келушілер музейде уақытты кері қайтарып, тарихқа саяхаттап бара жатқандай сезімде болады.
Суретте: Келушілер Үлкен Мысыр музейінің экспонаттарын тамашалап жатыр.
Ел билігі музейдің ашылуын Мысырдың әлемге жасаған сыйы деп атады.
Суретте: Гизадағы Үлкен Мысыр музейіндегі экспонаттар.